Tapılan əşyanın hökmünün incəlikləri çoxdur. Ümumiləşdirilmiş şəkildə bunu deyə bilərik ki, əgər malın nişanələrindən sahibini tapmaq mümkündürsə, tapıb malı ona qaytarmaq lazımdır. Əgər sahibini tapmaq adi yolla mümkün deyilsə, malı ya şəriət hakiminə təhvil vermək, ya da sahibinin adından fəqirə sədəqə vermək lazımdır. Yaxud da insan həmin malı özündə saxlayıb bir il ərzində mütəmadi olaraq camaat içində elan etməlidir. Bir ildən sonra sahibi tapılmasa o malı özünə götürə bilər, amma bir ildən sonra sahibi gəlib-çıxsa və malını tələb etsə gərək qaytarsın. Bir ilin ərzində mal tələf olsa (onu tapanın səhlənkarlığı üzündən) gərək əvəzini versin. Əgər sahibinin adından malı sədəqə versə və sahibi tapılandan sonra buna razı olmayıb malını geri istəsə, gərək əvəzini versin.скачать dle 12.1