Şəkidə asayiş keşikçisinə xəsarət yetirməyə cəhd edən şəxs saxlanılıb.
Bununla bağlı Daxili İşlər Nazirliyinin Mətbuat Xidmətinin Şəki regional qrupu məlumat yayıb.
Bildirilib ki, ölkədə tətbiq edilən xüsusi karantin rejimi ilə əlaqədar Şəki Şəhər Rayon Polis Şöbəsinin əməkdaşları rayon ərazisində xidmətdə olan zaman küçədə gəzən bir nəfərə yaxınlaşaraq, icazə və şəxsiyyətini təsdiq edən sənədlərini tələb etdikdə o, polis əməkdaşlarının qanuni tələbinə məhəl qoymayaraq, onlara müqavimət göstərib.
Polislər həmin şəxsi intizama dəvət edib, sakitləşdirməyə çalışsa da, o, qanunsuz hərəkətlərinə davam edərək, asayiş keşikçisinə bıçaqla xəsarət yetirməyə cəhd edib. Lakin polis əməkdaşlarının çevikliyi nəticəsində həmin şəxs zərərsizləşdirilərək, istifadə etmək istədiyi soyuq silahla birlikdə Polis Şöbəsinə gətirilib.
Şöbədə onun şəhər sakini Sənan Yusifov olduğu müəyyən edilib. S.Yusifovun karantin rejimi qaydalarını pozaraq, icazəsiz küçəyə çıxdığı və yüngül dərəcədə sərxoş olduğu məlum olub.
Faktla bağlı rayon prokurorluğunda araşdırma aparılır.скачать dle 12.1