Kiçik yaşlarında başlağıdı karyerasının zirvəsinə 17 yaşında yüksələn və Hollandiyanın ən yaxşısı olmağı bacaran van de Leur 23 yaşında yerli federasiya ilə aralarında yaranan problemlər səbəbindən karyerasını başa vurmaq qərarına gəlmişdi. Xəstəlik və “ailə məsələsi” adlandırılan olayları illər sonra həyatından bəhs edən “Simply Verona” adlı kitabda yazan 35 yaşlı Verona van de Leurun etiraflarından bəzilərini təqdim edirik:
“İdmançı olduğum zaman hər şey yaxşı idi. Müqavilələr imzalanır, ətrafdan böyük diqqət və sevgi görürdüm. Mən də qazandığım pullardan karyeramı bitirdikdən sonra əziyyət çəkməmək üçün istifadə etməyi planlaşdırırdım. Amma bu mümkün olmadı. İdmana kiçik yaşda başladığım üçün pullara ailəm nəzarət edirdi. Təbii, onlarda bank kartım var idi. Onlar mənim ana və atam idi. Heç nəyin hesabını istəmirdim.
Amma idmandan getdikdən sonra işlər qarışdı. Pulumun gözlədiyimdən çox az olduğunu anladım. Atam suallarıma konkret cavablar vermirdi. Sonra banka müraciət etdim və qarşılaşdığım mənzərə məni yıxdı. Hesabımdan çox pul xərclənmişdi. Hətta atamın hesabımdan çıxardığı 6 min avro ilə Veqasa getdiyini gördüm. Şoka düşmüşdüm. Pulu xərclədiklərini qəbul etmədilər. Böyük psixoloji sarsıntı yaşadım. Onlar üçün övladdan daha çox bank hesabı olduğumu anladım. Özümü istifadə olunmuş hesab elədim”.
Verona van de Leur ailəsini məhkəməyə verir. Uzun sürən məhkəmə çəkişməsindən sonra hakim atasının Veronaya hissə-hissə 90 min avro ödəməli olduğu barədə qərar çıxarır.
Amma məhkəmə müddətində Verona van de Leur heç də yaxşı həyat sürmür. Çox az pulu qalan idmançı sevgilisi ilə avtomobildə yaşamağa başlayır. Əvvəl 1-2 gecə deyə başlayan bu vəziyyət tam iki il davam edir. Avtomobildə keçirdiyi həyatla bağlı danışan Verona “Çox çətin idi. Xüsusən də qış aylarında… Səhər oyanıb-oyanmayacağımızı bilmirdik” deyir.
Pulları olmadığı üçün oğurluq etdiklərini bildirən van de Leur aclıqdan ölməmək üçün atılan qidaları yediklərini söyləyib: “Supermarketlərdə atılan bir şey olanda götürüb yeyirdik. Tapa bilməyəndə oğurlayırdıq. Bununla fəxr etmirəm. İşim və pulum yox idi, aclıqdan ölməmək üçün buna məcbur idik. Bundan illər əvvəl həyatımın bu nöqtəyə gələcəyinə inanmazdım”.
Bir cütlüyün cinsi əlaqə zamanı fotolarını çəkən Verona olayı belə anladır: “Mən sadəcə şəkil çəkirdim və olay gözümün önündə oldu. Tam təsadüf idi. Sonra qadın yanıma gələrək “Məni şantaj etməyəcək yəqin ki…” dedi. Mən də şantaj edəcəyimi və əvəzində 1000 avro istədiyimi söylədim. Pula çox ehtiyacım var idi, amma heç bir şey almadım. Daha sonra qadın polisə gedib məndən şikayət etdi. Polis də həbs edərək həbsxanaya göndərdi. Pulu almadığımı desəm də, 72 gün həbs cəzası verdilər. Hərəkətimin səhv olduğunu bilirdim və bir daha bunu təkrarlamadım”.
Həbsdən çıxandan sonra Verona və sevgilisi porno sektoruna qoşulur. Bu iş 8 il davam edir. O, yeni işində gimnastikadakından daha çox qazanır: “Uşaqlıqda təbii ki, arzularım bu deyildi. Amma çox da fikir etmirdim. Mənim üçün çox böyük addım oldu. Etmədən öncə kiminsə razılığını almalı olduğumu düşünmürəm. Mən buyam və insanlar mən olduğum kimi qəbul etməli, sevməlidi. Pornosektora öncə “webcam”da başladım. 1-2 ay sonra sevgilimlə birlikdə öz işimizi qurduq. O mənim həm fotoqrafım, həm də tərəf müqabilim idi. Onsuz da bu işi başqa cür görə bilməzdim. Sevgilimlə birlikdə çox şeyi paylaşdıq. Avtomobildə yaşadıq, ac qaldıq, bir çox çətinliyə sinə gərdik. İndiki həyatımdan çox razıyam. Geriyə baxanda 8 gözəl il görürəm”.
