Amerika Birləşmiş Ştatlarının Dövlət katibi Mayk Pompeo Azərbaycan xalqını 28 May - Respublika Günü münasibətilə təbrik edib.
Bu barədə ABŞ Dövlət Departamentinin saytında məlumat yer alıb.
Təbrikdə bildirilib ki, ABŞ və Azərbaycan 30 il ərzində vacib tərəfdaşlıq münasibətlərini dəstəkləyir: “Biz təhlükəsizlik, enerji və iqtisadi inkişaf, insan hüquq və azadlıqlarının müdafiəsi kimi vacib məsələlərlə məşğul oluruq. Biz Əfqanıstanda sülhün bərqərar olunması və “Cənub Qaz Dəhlizi” layihəsinin reallaşdırılması ilə Avropanın enerji təhlükəsizliyinin möhkəmlənməsi üzrə çiyin-çiyinə işləyirik. Ölkələrimiz dünyada mühüm problemlərin həllində əməkdaşlığı davam etdirir”.
Pompeo, həmçinin qeyd edib ki, ATƏT-in Minsk qrupunun həmsədr ölkəsi olaraq ABŞ əvvəlki kimi Dağlıq Qarabağ münaqişəsinin sülh yolu ilə nizamlanmasına sadiqdir:
“Bu il COVID-19 pandemiyası yeni çağırışların yaranmasına səbəb olsa da, mən əminəm ki, Azərbaycan xalqı bunun öhdəsindən cəsarətlə və qətiyyətlə gələcək. ABŞ Azərbaycanın yanındadır, ölkənin suverenliyini və müstəqilliyini dəstəkləyir”.
“ABŞ Azərbaycanın yanındadır” — Mayk Pompeo
28
may
15:09
Qarabağ
KOMMENTLƏR
Azərbaycan ABŞ üçün önəmli partnyordur - VİDEO
POMPEONUN ÇİN ƏLEYHİNƏ İDDİASI:ABŞ kəşfiyyatı dövlət katibinin iddiasına əks-rəy söyləyir
Maykl Pompeo Prezident İlham Əliyevi təbrik edib
Tramp İlham Əliyevə məktub yazdı:
Almaniya səfiri: "Dağlıq Qarabağ münaqişəsində hazırkı status-kvo qəbuledilməzdir"