Hüseyn Səfərov kimi hakimlərin çıxardığı qərar və qətnamələr dünyanın harasında olsa Azərbaycana baş ucalığı gətirir..
Hakim vəzifəsi bütün zamanlarda cəmiyyətdə çox böyük hörmət və ehtirama layiq görülüb.
Əbəs yerə deyil ki, hakim sözü HÖKM edən sözündəndir və Hədis elmində ən yüksək mərtəbəyə çatmış şəxslərə verilən addır.
Kimlərsə öz şəxsi marağına, yaxud başqa səbəbdən bu ada, bu şərəfə layiq olmaya bilər. Hətta bəzi hakimlər insan talehini həll etdiyini düşünmür.
Amma şükür ki, məhkəmə hakimlərimiz arasında şərəfli HAKİM adına layiq olanlar da az deyil.
Belələrindən biri, bəlkə də birincisi, indi haqqında bəhs edəcəyimiz Yasamal Rayon Məhkəməsinin hakimi Hüseyn Səfərovdur.
Hüseyn müəllim gözəl və mənalı bir ömür yolu keçib, xeyli müddət məhkəmə sistemində çalışıb, 2010-2015-ci illərdə Bakı Şəhəri Binəqədi Rayon Məhkəməsinin hakimi olub. 2015 –ci ildən isə Bakı Şəhəri Yasamal Rayon Məhkəməsinin hakimidir.
Dəfələrlə şahidi olmuşuq ki, Hüseyn Səfərov müxtəlif təzyiqlərə baxmayaraq sonda ədalətli qərar çıxarıb.
Hətta, 2016-cı ildə məhkəmə prosesində Hüseyn Səfərov ona qarşı aqressiv münasibətə baxmayaraq sonda qaragüruhçu olan Rasim Məmmədov kimi birisini layiq olduğu yerdə otuzdurub.
Sonra zaman da Hüseyn Səfərovun haqlı olduğunu göstərdi və Rasim Məmmədov bu dəfə layiq olduğu cəzanı aldı.
Sözümüzün canı odur ki, hakim Hüseyn Səfərov heç bir halda ədalət tərəzisinin gözünü əymir, onu həmişə düz saxlayır.
Şahidi olduğumuz sonuncu məhkəmə prosesində də hakim Hüseyn Səfərov bir daha daşıdığı hakim adının nə qədər uca olduğunu təsdiq edərək, mediaya qarşı olan haqsız hücumun qarşısını aldı.
Söhbət konkret bizimlə bağlı məsələdən getmir. Bu gün keçirilən məhkəmə prosesi Azərbaycanda ədalətli hakimlərin olduğunu bir daha sübut etdi. Bu haqda uzun-uzadı söhbət açmaq istəmirik. Həqiqət göz qabağında oldu.
Bu günədək neçə-neçə hakimin məhkəmə qərarı Avropa Məhkəməsindən geri “üzüqara” qayıdıb.
Bu hal Azərbaycan dövləti üçün maddi tərəf, təzminat ödəmək deyil e, bu dövlətimizin imicinə kölgə salmaqdır.
Bax, buna görə, biz deyirik ki, Hüseyn Səfərov kimi əsl hakimlərin qərarı lap Avropa Məhkəməsində də üzü ağ olaraq qüvvəsində qalacaq.
Yəni Hüseyn Səfərov kimi ədalətli hakimlər təkcə vətəndaşlarımızı deyil, həm də Azərbaycanımızı qoruyurlar. /Gundelik-baku.com/