Vətən Müharibəsi zamanı döyüşlərdə qəhrəmanlıq göstərənlərin təltif olunması üçün artıq rəsmi addımlar atılmaqdadır. Bu gün Milli Məclis yeni orden və medalların təsis olunmasını müzakirə edəcək.
Qələbə ilə bağlı müxtəlif təklif və təşəbbüslər isə səslənməkdə davam edir. “Yeni Sabah” bildirir ki, fərqli bir təşəbbüslə “Haber Qlobal” telekanalının CEO-su və baş direktoru Məmməd Gülməmmədov çıxış edib: “Təklif edirəm ki, “Ən Yeni Tarix” kitabının üz qapağında müzəffər sərkərdə Cənab Ali Baş Komandan İlham Əliyevin hərbi formada şəkli olsun”.
M. Gülməmmədovun bu təşəbbüsü sosial şəbəkə istifadəçiləri tərəfindən müsbət qarşılanıb.