"Ötən il ərzində ən uğurlu layihələrdən biri parkinq sahəsində görülən işlər olub".
Bunu rəqəmsal inkişaf və nəqliyyat nazirinin müavini Rəhman Hümmətov Azərbaycanda mobilliyin transformasiyası proqramının təqdimatı zamanı deyib.
O əlavə edib ki, artıq 17 mindən çox parklanma yeri təşkil olunub və proses başa çatmaq üzrədir:
"Biz daim mövcud parklanma yerini təhlil edəcəyik. Piyadaların mobilliyinin təminatı, skuter istifadəçilərinin velosiped yollarından istifadə etməsi üçün daha da rahat şəraitin yaradılması əsas hədəflərdəndir".