"Yoluxanların sayı azalan kimi ölüm sayı da azalır". Bunu Milli.Az-a açıqlamasında həkim-infeksionist Azər Nağıyev deyib.
İnfeksionist bildirib ki, yoluxmanın kontrolda saxlanılması peyvəndlənmədən və karantin qaydalarına əməl etməkdən asılıdr:
"Ölənlər ağır xəstələrin arasından olur. COVİD-ə yoluxanların sayı azalanda ağır xəstə sayı həmən azalmır. Bir müddət çəkir ki, ağır xəstələrin bəziləri sağalır, bəziləri dünyasın dəyişir. 
Hazırda Türkiyədə və bəzi başqa ölkələrdəki kimi tam qapanmaya bizdə ehtiyac yoxdur. O ölkələr tam qapanmaya gedib ki, onlarda yoluxma sayı həddindən artıq yüksəkdir. Bununla bağlı olaraq Türkiyədə, Ukraynada və bəzi ölkələrdə lokdaun elan ediblər. Bizdə isə yoluxanların sayı azalmaya doğru gedir. 
Amma demək olmaz ki, bu gedişlə Azərbaycanda karantin rejimi bir də  sərtləşdirilməyəcək. Bunu əvvəlcədən proqnozlaşdırmaq olmaz. Əgər peyvəndləmə bu şəkildə davam edilərsə, əgər biz karantinin şərtlərinə əməl edəriksə, bəli, sərtləşdirmə, tam qapanma kimi tədbirlərə bizdə ehtiyac qalmayacaq. Amma əks halda ehtiyac ola bilər. İstənilən an yoluxma sayında yüksəliş ola bilər. Bu məsələnin kontrolda saxlanılması peyvəndlənmədən və maska, sosial məsafə, əllərin gigiyenası, qapalı məkanın mütəmadi havalandırılmasından asılıdır".скачать dle 12.1