Lənkəran Dövlət Universitetinin (LDU) Texnologiya və texniki fənlər kafedrasının dosenti, texnika elmləri namizədi Oqtay Mürsəliyev vəfat edib.
 
LDU-nun rektoru, professor Natiq İbrahimov başda olmaqla universitetin pedaqoji kollektivi, professor-müəllim heyəti O.Mürsəliyevin vəfatı ilə bağlı başsağlığı verib.
 
Qeyd edək ki, O.Mürsəliyev 1947-ci ildə anadan olub. O.Mürsəliyev Azərbaycan Dövlət Neft və Sənaye Universitetinin “İstehsal proseslərinin avtomatlaşdırılması üzrə mühəndis elektromexanik” ixtisas üzrə təhsil alıb. 1991-ci ildə namizədlik dissertasiyasını müdafiə edib. 60 elmi-metodik əsərin (bunlardan doqquzu elmi ixtira, on beşi dərs vəsaitidir) müəllifidir.