“Vornado” MMC (VÖEN- 1702747831) fəaliyyətinə xitam verilərək “Baku Hospitality Group” MMC-yə (VÖEN- 1702206281) qoşulduğunu elan edib.
Yeniavaz.com xəbər verir ki, “Baku Hospitality Group” MMC “Vornado” MMC-nin ona qoşulması nəticəsində yenidən təşkil edildiyini elan edib.
Məlumat üçün bildirək ki, Nizamnamə kapitalı 25 milyon 360 min 756 manat olan “Vornado” MMC 19.11.2019-cu il tarixində  dövlət qeydiyyatına alınıb. MMC-nin qanuni təmsilçisi Əhmədli Orxan Subutay oğludur. 
“Baku Hospitality Group” MMC isə 27.07.2017-ci il tarixində dövlət qeydiyyatına alınıb. Nizamnamə kapitalı 1 000 manat olan MMC-nin qanuni təmsilçisi Əmikişiyev Elnur Vidadi oğludur.
Onu da bildirək ki, Bakıda mehmanxana və restoran işinin təşkili üzrə fəaliyyət göstərən “Baku Hospitality Group” MMC təsis olunduğu zaman şirkətə sabiq millət vəkili, “Gəncə Avtomobil Zavodu” İstehsalat Birliyinin Müşahidə Şurasının sədri və eyni zamanda da Azərbaycan Üzgüçülük Federasiyasının prezidenti olan Xanlar Fətiyevin qardaşı - Elruz Fətiyev rəhbərlik edib. 
Elruz Fətiyev eyni zamanda 19.01.2009-cu ildə dövlət qeydiyyatına alınan “Peachline” MMC-nin direktorudur. Nizamnamə kapitalı 20 manat olan MMC-nin hüquqi ünvanı “Nəsimi rayonu, Nizami, ev 121, m. 16” olaraq qeyd olunub.
“Baku Hospitality Group” MMC-yə rəhbərlik edən Orxan Əhmədli eyni zamanda Elruz Fətiyevin direktoru olduğu “Peachline” MMC-də müştərilərlə iş üzrə menecer vəzifəsində çalışır.
Bundan başqa həm “Baku Hospitality Group” MMC, həm də “Peachline” MMC-nin yerləşdiyi ünvan kimi  “AF Business House” biznes mərkəzi (Nizami küç. 203) göstərilir.
Qeyd edək ki, yenidən təşkil olunduğunu elan edən “Baku Hospitality Group” MMC-nin hazırda dövlət büdcəsinə böyük həcmdə - 710 min 495 manat vergi borcu var.
скачать dle 12.1