“Leveland” təhsil mərkəzinin rəhbəri İsgəndər Ağayev axtarışa verilib.
Lent.az-ın məlumatına görə, o, Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) və 193.2.1 – ci (yalançı sahibkarlıq külli miqdarda ziyan vurmaqla törədildikdə) maddələri ilə ittiham olunur.
Onun barəsində məhkəmə tərəfindən həbsli axtarış elan olunub və saxlanılması istiqamətində tədbirlər davam etdirilir.
Qeyd edək ki, mediada yazılan məlumatlara görə, “Leveland” təhsil mərkəzinin rəhbəri İ. Ağayev xaricdə təhsil almaq istəyən 100-dən çox insanın  külli miqdarda pulunu mənimsəyib.
Belə ki, o, həmin şəxslərdən xaricdə təhsil adı ilə pul aldıqdan sonra ölkədən qaçıb.
Hazırda onun ABŞ-da olduğu bildirilir