32gun.az-ın məlumatına görə, ötən ilin oktyabr ayında onlayn qəbul keçirən deputat keçirdiyi görüş barədə rəsmi facebook səhifəsində paylaşım edib. Deputatın Nazim Əhmədov adlı seçicisi paylaşıma şərh yazaraq iddia edib ki, M.Abbaszadə onlayn görüşə zənglə onu da qoşacağına söz versə də bu baş tutmayıb.
Belə ki, M.Abbaszadə vətəndaşı 4 saat gözlətsə də nədənsə onu onlayn formatda qəbul etməyib:
"Mən övladımın ölüm işi ilə əlaqədar bu onlayn görüşdə iştirak etməli idim. Təəssüflər olsun ki, telefonun yanında 4 saat gözləsəm də mənə zəng olunmadı".
Seçicinin şərhinə Taleh Mürsəlov adlı vətəndaş belə reaksiya verib: "Online görüşdə iştirak etsən də köməklik göstərməyəcək.Bu adam heç kimin işini aşırmayıb".
