Rusiya Ukraynanın işğalının ikinci ayına girərkən Rusiya prezidenti Vladimir Putinin Pasxa bayramında çəkilmiş görüntüləri gündəm olub.
Xarici KİV xəbər verir ki, video qısa müddətdə izləmə rekordu qırıb. Belə ki,  görüntülərdən sonra Putinin səhhəti ilə bağlı iddialar yenidən gündəmə gəlib.
Görüntülərdə 69 yaşlı Putinin Moskvadakı Xilaskar Məsihin kilsəsində şəhər meri Sergey Sobyaninin yanında dayanmaqda çətinlik çəkdiyi, eyni zamanda daim dodaqlarını dişləməsi və yalaması əks olunub.  
Mərasim zamanı çəkilən görüntülərdə Putinin davamlı olaraq əyildiyi və narahat davrandığı da görünür. Britaniya mediası Putinin gərginliyinin arxasında onun Ukraynadakı uğursuzluğunun olduğunu iddia edib.
İngilis "Daily Mail" qəzeti Putinin davamlı olaraq dodaqlarını yalamasına diqqət çəkərkən, onun haqqında Parkinson xəstəliyi iddiasını yenidən gündəmə gətirib.