"Son dövrlərdə mətbuada gedən silsilə şikayət və müraciətlərdən aydındır ki, Azərbaycan Dövlət Aqrar Universitetində rüşvətxorluq, özbaşınlaıqlar və anarxiya baş alıb gedir". Bu barədə DİA.Az-a göndərilən məqalədə deyilir. Onu da qeyd edək ki, məqalə müəllifi bir sıra ağır ittihamlar da səsləndirib ki, həmin iddiaları sübutlamaq üçün hüquq-mühafizə orqanlarının imkanları gərəkir. Bu səbəbdən məqaləni bəzi ixtisarlarla təqdim edirik.

Beləliklə, dia.az-a göndərilən məqalədə müəllif daha sonra yazır: "Çünki, burada elmli, təcrübəli, professorlar və dosentlər sıradan çıxarılır. Onların yerinə müəyyən gənclər 8-10 min manat müqabilində işə götürülür.

Dekan və kafedra müdiri vəzifələri Azərbaycan Respublikası Təhsil Nazirliyinin Kollegiyasının 15.11.2017-ci il tarixli, 5/5 nömrəli qərarı ilə təsdiq edilmiş “Ali təhsil müəssisələrində kafedra müdiri, dekan və dekan müavini vəzifələrinin tutulması qaydaları”na uyğun yox, rektor İbrahim Cəfərovun şəxsi qaydalarına uyğun aparılır. O, bu sahədə yüksək peşəkarlıq nümayiş etdirməklə öz kafedrası üzrə professoru qoyub ayrı kafedradan elementar savadı olmayan, Ali təhsil müəssisəsində çalışması təhqir olan dosenti yerləşdirə bilir.

Əvvəlcə dekan və kafedra müdiri vəzifələri üçün elan verilir və sonra auksion “Şou” yaradan rektor özünün qaydalarına müvafiq şəkildə seçkilər aparır. Amalı pul olan İbrahim Cəfərov elə düşünür ki, yaratdığı seçki oyunlarından heç kimin xəbəri yoxdur. Hamı hər şeyi bilir və görür. Sadəcə abır-həya edir. Lakin rektor İbrahim Cəfərov bunları "ustalıqla" etməyi bacarır. Hətta bir məsələ də maraqlıdır ki, əvvəllər rüşvət və korrupsiya ilə çıxarılan insanları oyuna çəkərək onlardan kifayət qədər rüşvət almaqla onları yenidən vəzifəyə təyin edirlər...

Sual olunur, bu insanlar 3-5 il bundan öncə vəzifədən çıxarılıbsa necə olur ki, yenidən onlar başqa bir vəzifəyə təyinat alır? Aydındır, hamı bilir ki, həmin adamdan kifayət qədər məbləğdə rüşvət ala biliblər..."

DAVAMI VAR...