Bakı Apellyasiya Məhkəməsinin hakiminin səlahiyyətinə vaxtından əvvəl xitam verilib.
Parlamentin bu gün keçirilən plenar iclasında Bakı Apellyasiya Məhkəməsinin hakiminin səlahiyyətlərinə vaxtından əvvəl xitam verilməsi haqqında Azərbaycan Respublikası Milli Məclisinin qərar layihəsi müzakirəyə çıxarılıb.
Belə ki, Bakı Apellyasiya Məhkəməsinin hakimi Elmira Eyvaz qızı Nağıyevanın səlahiyyətlərinə vaxtından əvvəl xitam verilib.
Məsələ haqqında məlumat verən deputat Nizami Səfərov bildirib ki, hakim E.Nağıyevanın fəaliyyətində ciddi nöqsanlar olduğuna görə onun səlahiyyətlərinə xitam verilməsi təklif edilib.
Qeyd edək ki, 60 yaşlı Elmira Nağıyeva 1988-ci Azərbaycan Dövlət Universitetinin (indiki Bakı Dövlət Universiteti) Hüquq fakültəsini bitirib. 1989 - 1992-ci illərdə Dövlət Arbitrajında böyük məsləhətçi, baş məsləhətçi, 1992 - 1993-cü illərdə Məhkəmə təcrübəsinin ümumiləşdirilməsi şöbəsində baş mütəxəssis, 1993 - 2000-ci illərdə Ali Arbitraj Məhkəməsində hakim, 2000 - 2007-ci illərdə Respublika İqtisad Məhkəməsinin hakimi, 2007-ci ildən indiyədək isə Bakı Apellyasiya Məhkəməsinin hakimi idi.


скачать dle 12.1