Qızı Selena ilə Türkiyədə istirahət edən müğənni Ayan Babakişiyevanın şəkilləri sərt tənqid edilib. 

Yenisabah.az xəbər verir ki, tətil zamanı qızı ilə birgə fotokamera önünə keçərək yeni fotosessiya etdirən ifaçının geyim tərzi bəyənilməyib. 

“Cristian Dior”un son kollleksiyasından olan ağ-qara geyim və uzun şəffaf tulumla kamera önünə keçən Ayanın qara dikdaban ayaqqabıları izləyicilərdə qıcıq yaradıb.

Onlar müğənnini zövqsüz adlandıraraq “Bu nə ayaqqabıdır? Həqiqətən də pullu olmaqla deyil, zövq yoxdur”, “Alt geyimi ilə dikdaban? Sözün bitdiyi yerdəyəm”, “Bu ayaqqabıdan hələ də geyinən qalıb?”, “Biri  bu müğənniyə başa salsın ki, geyindiyi ayaqqabının dəbi çoxdan keçib” – kimi rəylər yazıblar.