"Rusiya Avropanı təhdid etmir, əksinə, Avropa İttifaqı Rusiya Federasiyası üçün təhlükə yaradır". 

Bunu Kremlin sözçüsü Dmitri Peskov bildirib.  

Prezidentin sözçüsü qeyd edib ki, Aİ ABŞ-nin nəzarəti altındadır və Rusiya sərhədlərinə yaxınlaşan NATO-da iştirak edir. 

"Bu, açıq-aşkar faktdır və mübahisə etmək mümkün deyil. Bu, bizim üçün təhlükə yaradır", - Peskov qeyd edib.

Peskov həmçinin qeyd edib ki, son bir neçə ildə Praqadan çoxlu isterik bəyanatlar gəlir və bu, Çexiya rəhbərliyinə heç də xoş görünmür.

xatırladaq ki, bundan əvvəl Çexiya prezidenti Petr Pavel Rusiyanı Avropa İttifaqı üçün əsas təhlükə adlandırmışdı. Onun sözlərinə görə, Avropa ölkələrinin orduları Rusiya Federasiyasına ciddi yanaşır və yüksək intensivlikli münaqişəyə hazırlaşır.