Ukrayna cəbhə xəttində qadın komandirlərin sayını artırmağı planlaşdırır.
 “RİA Novosti” xəbər verir ki, bu barədə ölkənin Müdafiə Nazirliyinin rəsmi nümayəndəsi Lyudmila Daraqan bildirib.
Daraqan demək olar ki, bütün komandirlərin kişi olduğuna işarə edərək, bunun gender stereotipləri ilə bağlı olduğunu bildirib.
“Biz artıq “qadın mübarizə apara bilməz” stereotipini keçmişik. İndi biz “qadın əmr edə bilməz” stereotipini dəf etməliyik”, - o vurğulayıb.
Daraqan qeyd edib ki, hazırda Ukrayna ordusunda 62 mindən çox qadın xidmət edir. Onlardan 43,5 mini hərbi qulluqçu, 18,6 mini isə mülki şəxslərdir. Eyni zamanda, qadınların 7,7 mini zabit, 11,7 mini kiçik zabit, 22,7 mini isə hərbçidir.
Digər tərəfdən, Ukrayna Silahlı Qüvvələrinin sıralarında qadın hərbi qulluqçuların sayı iki il ərzində 40 faiz artıb. Onlardan 5 minə yaxın qadın birbaşa döyüş bölgəsindədir.скачать dle 12.1