Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan və Ermənistanın “Avropa Maqnitski Aktı" sanksiyasına qoşulan ölkələrin siyahısında peyda olması və daha sonra çıxarılmasına münasibət bildirib.

Rusiya XİN sözçüsü məlum addımı hoqqabazlıq və Brüssel siyasətində neokolonial düşüncə nümunəsi adlandırıb.

"Bu, Qərb ictimaiyyətinin bu ölkələrdən (Ermənistan və Azərbaycandan-red) istədiyidir, onlar arasında nizamlanma prosesinə qarışmağıdır. Yeganə məqsəd uzunmüddətli münaqişəni həll etməmək, növbəti dəfə anti-Rusiya zirvəsini ələ keçirməkdir", deyə Zaxarova vurğulayıb.