Qarabağda yaradılmış qondarma separatçı rejim antiterror əməliyyatından sonra özünü buraxdı, bundan sonra 2024-cü ilin 1 yanvarında onun ləğvi haqqında fərman verildi. 
Erməni KİV xəbər verir ki, separatçı rejimin nümayəndəsi Tiqran Petorsyanın sözlərinə görə, həmin fərmanın qüvvədən düşməsi haqqında fərman imzalanacaq. 
"Bu gün səhər mən Samvel Şahramanyanla görüşmək məqsədi ilə nümayəndəliyə getdim. Təəssüflər olsun ki, Şahramanyan məni qəbul etməyi lazım bilməyib. Məndə olan məlumata görə, artıq belə bir fərman var, sadəcə dərc olunmayıb və belə fərmanlar dərc olunduğu andan qüvvəyə minir. 
Məhkəmə qarşısında təkcə keçmiş quldurlar Bako Saakyan, Arayik Arutyunyan deyil, Şahramanyan da dayanmalıdır", - deyə Petorsyan yazıb.