ABŞ-nin Ukraynaya əlavə yardım üçün vəsaiti tükəndiyi üçün, yeni yardım paketləri Konqresin yeni maliyyələşdirmənin təsdiqini tələb edəcək.
Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
"Prezident bizim maliyyələşdirdiyimiz sonuncu paketi imzaladı. Ukraynaya yardımı davam etdirə bilməmiz üçün əlavə vəsaitin təsdiqinə ehtiyacımız var", - Kirbi brifinq zamanı deyib. 
Kirbi qeyd edib ki, bu günə qədər prezident Co Bayden tərəfindən dekabrın 27-də imzalanmış ən son yardım paketi hələ tam olaraq Ukraynaya çatdırılmayıb və bu, həftələr çəkə bilər.