Ukrayna prezidenti Volodimir Zelenski yanvarın ayının 11-də Estoniyaya səfər edərək orada baş nazir Kaya Kallas ilə görüşüb.
Bu barədə Almaniyanın “Bild” nəşri məlumat yayıb. Estoniya rəsmisi Ukrayna bayrağı ornamentli kostyum geyinib. Zelenski isə üzərində 48,3794° və 31,1656° rəqəmləri həkk olunmuş sviter geyinib.
Nəşr bunu Zelenskinin Rusiya lideri Vladimir Putinə gizli mesajı adlandırıb. Belə ki, həmin rəqəmlər Ukraynanın Kirovoqrad vilayətinin Dobroveliçkovka kəndinin koordinatlarıdır. Qeyd olunan ərazi 1991-ci ildən etibarən Ukrayna Rusiya sərhədinin başlanğıcıdır.
Beləliklə, bununla Zelenski hər hansı ərazi güzəştlərindən imtina etdiyini və ölkəsinin sərhədlərində baş verən istənilən dəyişikliyi tanımaq niyyətində olmadığını rus həmkarına ötürmüş olub.