Ermənistan prezidenti Armen Sarkisyan ölkənin keçmiş prezidenti Robert Koçaryanla görüşüb.
Bakısəsi Ermənistan KİV-ə istinadən xəbər verir ki, görüş bu gün baş tutub. Sarkisyanla Koçaryan görüş zamanı ölkədəki ümumi vəziyyəti, müharibənin nəticələrini və ictimai-siyasi gündəmi müzakirə ediblər.
Həmçinin Robert Koçaryanla Armen Sarkisyan arasında Nikol Paşinyan hakimiyyətinə qarşı yeni ittifaq barədə anlaşmanın müzakirə olunduğu deyilir. Ermənistanda Qarabağ klanına mənsub Robert Koçaryanın hazırki Ermənistan prezidenti ilə sövdələşərək yenidən hakimiyyəti ələ keçirmək planları barədə məlumatlar dolaşır.