Ermənistanın Sünik bölgəsindəki Şurnux kəndinin sakinləri, kəndin Azərbaycana qaytarılan hissəsində yerləşən tərk etdikləri evləri yandırırlar.

“MediaPost” xəbər verir ki, bu barədə Şurnux kənd sakini Ararat Ağabekyan 4 yanvar tarixində video yayımlayaraq məlumat verib.

Kənd sakini səlahiyyətlilərin son hərəkətlərinin buna yol açdığını bildirib. “Nikol, budur şurnuxlulardan sənin üçün yeni il hədiyyəsi. Növbə ilə yandıracağıq və ən böyük odda səni yandıracağıq Nikol. Sən qoşunları məhv etdin, insanları məhv etdin, sənə söyüş söyləməyi öyrətdin, ev yandırmağı öyrətdin. Nikol, sən də bu atəşdə yandırılmalı idin, səbəb sənsən”,-deyə kənd sakini qeyd edib.

Qeyd edək ki, Şurnux kəndinin bir hissəsinin Azərbaycana qaytarılması səbəbindən həmin ərazidə yerləşən 12 evin sakinlərinə yanvarın 5-nə qədər evlərini boşaltmaq üçün vaxt verilib

Xatırladaq ki, analoji hadisələr Kəlbəcər, Ağdam və Laçında da yaşanıb.