Bir neçə gün öncə Ermənistanın Azərbaycanla həmsərhəd Tavuş vilayətində mülki şəxs minaya düşərək ayağını itirib.
Ermənistan KİV-də yayılan məlumata əsasən, hadisə aprelin 16-da baş verib.
 
İcevan polis idarəsi yerli tibb mərkəzindən müəssisəyə sağ ayağının aşağı hissəsini itirən şəxsin daxil olması barədə məlumat alıb.
Yaralı 59 yaşlı Tavuş vilayəti Azatamut kənd sakini Nodar Mirzoyan olub.
O, elə həmin gün səhər saat 9 radələrində sərhəd bölgəsində qulançar yığarkən minaya düşüb.