Əfqanıstanın Nanqarhar əyalətinin Şpinqar rayonunda məsciddə törədilən partlayış nəticəsində azı 3 nəfər ölüb, 18 nəfər yaralanıb.

Bu barədə yerli "Afganistan International” telekanalı məlumat yayıb.

Məlumata görə, hadisə Terallay kəndində cümə namazı vaxtı baş verib. İlkin məlumatlara görə, kamikadze partlayıcı qurğunu izdihamın içərisində işə salıb.

Ölənlər arasında iki uşaq, həmçinin məscidin imamı da var.

"Taliban" sözçüsü Zabihullah Mücahid terror aktını təşkil edən 3 nəfərin saxlanıldığını, onların İslam qanunlarına uyğun olaraq cəzalandırılacağını bildirib.