Rusiyanın Vsevolojsk şəhər prokurorluğu iki yaşlı uşağın ölümü ilə bağlı araşdırmalara başlayıb.

Leninqrad vilayəti prokurorluğundan verilən məlumata görə, Özbəkistan vətəndaşı olan uşağın anası onu Sankt-Peterburqun Kalininski rayonunda yaşayan dayənin (Qırğızıstan vətəndaşı) mənzilinə aparıb. Bir neçə ay sonra övladının dalınca gələn ana körpəsinin öldüyünü öyrənib.

Qadın uşağın meyitini yaşadığı Murinoya gətirib və oradan hüquq-mühafizə orqanlarına şikayət edib.

Hazırda istintaq orqanları tərəfindən ibtidai yoxlama aparılır. Yoxlamanın gedişi və nəticələri şəhər prokurorluğu tərəfindən nəzarətə götürülüb.