Rusiyanın xarici işlər naziri Sergey Lavrov deyib ki, Moskva həm Rusiya, həm Ukrayna, həm də bütün Avropa üçün ümumi olacaq təhlükəsizlik zəmanətləri almaq istəyir.
“RİA Novosti” xəbər verir ki, o, bu barədə “RT”yə müsahibəsində bildirib.
“Əməliyyatın məqsədi səkkiz il ərzində daim öldürülən, atəşə tutulan mülki əhalinin müdafiəsidir. Məqsəd Ukrayna ərazisindən belə bir təhlükənin gəlməməsi üçün Ukraynanı demilitarizasiya etmək, həmçinin Ukrayna, Rusiya, bütün Avropa ölkələri üçün bölünməz ümumi təhlükəsizlik prinsipinə əsaslanacaq təhlükəsizlik təminatları əldə etməkdir. Biz bunu uzun illərdir təklif edirik”, - o bildirib.