Bu günə qədər BMT-nin Dünya Ərzaq Proqramı (DƏP) 700 min ukraynalıya ərzaq yardımı edib.
Bu barədə proqramın icraçı direktoru Devid Bisli məlumat verib.
Oonun "Tvitter"dəki açıqlamasında deyilir: “DƏP bu günə qədər Ukraynada 700 min insana təcili ərzaq yardımı çatdırıb. Gələn həftənin sonuna qədər biz bu rəqəmi 1 milyona, aprelin sonuna isə təxminən 2,5 milyona çatdırmağı planlaşdırırıq”.
Xatırladaq ki, fevralın 28-də DƏP Ukraynada münaqişənin kəskinləşməsi səbəbindən evlərini tərk edən insanlara ərzaq yardımı göstərmək üçün əməliyyata başlayıb.