“Rusiya “dost olmayan ölkələr”in vətəndaşlarının ölkəyə girişini məhdudlaşdıran viza xarakterli cavab tədbirləri haqqında fərman hazırlayır”.
Bunu Rusiyanın xarici işlər naziri Sergey Lavrov deyib.
“Bir sıra xarici dövlətlərin qeyri-dost hərəkətləri ilə bağlı cavab viza tədbirləri haqqında prezident fərmanının layihəsi hazırlanır. Bu akt Rusiya ərazisinə girişə bir sıra məhdudiyyətlər tətbiq edəcək. Eyni zamanda, Ukrayna ərazisinə düşmüş üçüncü ölkə vətəndaşlarının və vətəndaşlığı olmayan şəxslərin həyat və sağlamlığı üçün təhlükənin qarşısını almaq məqsədilə vətəndaşı olduqları ölkələrə təhlükəsiz qayıtmaq, Rusiya ərazisinə daxil olmaq və orada qalmaq proseduru asanlaşdırılıb”, - Lavrov “Vahid Rusiya” partiyasının Baş Şurasının beynəlxalq əməkdaşlıq və xaricdəki həmvətənlərə dəstək komissiyasının iclasında deyib.