Brüsseldə Avropa İttifaqı Şurasının Prezidenti Şarl Mişelin vasitəçiliyi və iştirakı ilə Azərbaycan Prezidenti İlham Əliyev və Ermənistan Baş naziri Nikol Paşinyan arasında keçirilən görüşdə bir sıra anlaşmaların əldə oluması iki ölkə arasında sülh istəməyən qüvvələrin fəallaşmasına səbəb olub. Onlar hər vasitə ilə sülhə mane olmağa, tərəflərin anlaşmasının baş tutmamasına çalışır.
Belələrindən biri də Naira Zöhrabyandır. Erməni siyasətçi bu gün parlamentdəki çıxışında Paşinyanı tənqid edərək, Qarabağın Azərbaycana təhvil verildiyini bildirib.

Onun sözlərinə görə, Paşinyan öz tərəfdarları arasında Qarabağın təslim olmasının qaçılmazlığı barədə təbliğat aparır. 

Zöhrabyan Paşinyanın Qarabağın təhvil verilməsi ilə bağlı gətirdiyi bütün arqumentlərin "həyasızcasına yalanlar" olduğunu bildirib. Onun sözlərinə görə, Paşinyan torpaqları Azərbaycana təhvil vermək üçün iyun seçkilərinə qədər "öz teatrının aktyorları tərəfindən təşkil edilən sonuncu yaradıcı oyunu" oynayıb.

"Baş nazir təpədən dırnağa, sağadan sola, yuxarıdan aşağıya "Artsax"ın de-yure təhvil verməsinə çalışır və ona miras qalmış danışıqlar paketini təhrif edir" deyə Zöhrabyan bildirib.