Rusiya dünən Ukraynanın strateji şəhəri olan Mariupolu ələ keçirdiyini açıqlasa da, Ukrayna prezidenti Vladimir Zelenski Rusiyanın ölkənin şərqindəki son qazanclarının müvəqqəti olduğunu bildirib.
Zelenski xalqa son müraciətində Rusiyanın Ukraynanın şərqində başlatdığı hücumdan danışıb.
O, çıxışında “Ölkəmizin cənubunda və şərqindəki işğalçılar ən azı bəzi uğurlardan danışmaq üçün əllərindən gələni edirlər. Onlar öz güclərini torpaqlarımıza toplayırlar. Lakin bunların heç biri Rusiyaya kömək edə bilməz. Ancaq qaçılmaz olanı gecikdirə bilərlər. İşğalçılar ölkəmizi, xüsusən də Rusiyaya müqavimət göstərən Mariupolu tərk edəcəklər," - deyə  bildirib.  
Ukrayna lideri rus ordusunun Donetskdə 42 kəndi ələ keçirdiyini, lakin onları geri ala biləcək gücdə olduğunu iddia edib.