“Hazırda Rusiya ordusu qoşunların yenidən qruplaşdırılmasını başa çatdırır və Donetsk əməliyyat bölgəsində genişmiqyaslı hücuma keçmək üçün Ukrayna Silahlı Qüvvələrinin ən həssas bölgələrini müəyyən etməyə çalışır”.
Bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Vadim Skibitski milli telemarafonun efirində bildirib.
“Düşmən qoşunların yenidən qruplaşdırılmasını tamamlayır. İndiyədək Belarusda, bizim şimal sərhədlərimizin yaxınlığında cəmlənmiş bütün tabor taktiki qrupları indi Ukraynanın şərqinə doğru hərəkət edir. Bu birincisidir. İkincisi, düşmən indi genişmiqyaslı hücuma başlamaq və xüsusən də, Donetsk əməliyyat bölgəsində möhkəmlənmək üçün bütün istiqamətlərdə Ukrayna Silahlı Qüvvələrinin ən həssas yerlərini müəyyən etməyə çalışır”, - Skibitski deyib.
Ukrayna Müdafiə Nazirliyinin nümayəndəsi rusların Mariupolda “Azovstal”a hücumu dayandırması barədə xəbərlərə də münasibət bildirib:
“Mərkəzi Kəşfiyyat İdarəsinin məlumatına görə, Rusiya rəhbərliyi həmişə olduğu kimi, yalan danışır. Bəli, həqiqətən də, onlar bu obyektə genişmiqyaslı hücumdan imtina edə bilərlər, lakin bizim məlumatlara görə, onlar “Rosqvardiya”nı, müqavimətimizi məhv etmək üçün “Azovstal” zavoduna hücumu davam etdirəcək FTX də daxil olmaqla digər strukturları cəlb etməyi planlaşdırırlar”.