Sentyabrın 19-u - bazar ertəsi günü keçiriləcək Kraliça II Elizabetin dəfn mərasimi İngiltərənin paytaxtı Londonda dünyanın hər yerindən liderləri və yüksək səviyyəli nümayəndələri bir araya gətirəcək. Digər tərəfdən, mərasimdə iştirak üçün 3 ölkəyə dəvət göndərilmədiyi, bir ölkənin isə səfir səviyyəsində dəvət edildiyi məlum olub.
"Reutres" xəbər verir ki, 96 yaşında vəfat edən Kraliça II Elizabetin dəfn mərasimində bir çox ölkə prezidentinin iştirakı gözlənilir. Dəfn mərasimi yüksək səviyyəli iştirakçılara görə “liderlər zirvəsi”nə çevriləcək.
Digər tərəfdən Londondakı Müqəddəs Pyotr Kollegial kilsəsində keçiriləcək mərasimə 3 ölkə liderinin dəvət olunmadığı öyrənilib. Məlumatlara görə, dəfn mərasimində iştirak üçün Rusiya, Belarus və Myanmaya heç bir dəvət göndərilməyib. İran isə səfir səviyyəsində mərasimə dəvət olunub. İngiltərə Rusiyaya Ukraynanı işğal etdiyinə görə, Belarusa isə işğalı dəstəklədiyinə görə sanksiyalar tətbiq edib. ABŞ prezidenti Co Bayden Ohayoda keçirdiyi mətbuat konfransında dəfn mərasimində iştirak edəcəyini bildirib.