NATO ölkələri Ukraynanın hərbi əməliyyatlar nəticəsində zədələnmiş hərbi-sənaye kompleksinin bərpası planının hazırlanmasına başlayıb.
Bu barədə "Politico" nəşri məlumat dərc edib. 
Alyans nümayəndəsinin sözlərinə görə, 10 il üçün nəzərdə tutulan plan Ukraynanın sovet texnikasından NATO-ya uyğun qərb avadanlığına keçidini nəzərdə tutur.
"Ukraynanın NATO ilə tam əməkdaşlıq edə bilməsi üçün müdafiə planı tələblərini nəzərdən keçirəcəyik", - alyansın yüksək rütbəli rəsmisi deyib.
Qəzetin yazdığına görə, gələn həftə NATO və Kiyevin bu məsələ ilə bağlı ilk görüşünün keçirilməsi planlaşdırılır: "Bu, ABŞ və NATO rəsmilərinin həftələrdir eyham vurduğu uzun prosesin başlanğıcı olacaq". 
скачать dle 12.1