Rusiyada üç ekipaj üzvü olan Mi-8 helikopteri məcburi eniş edib.
Hadisə Maqadan vilayətinin Taxtoyamsk kəndi yaxınlığında baş verib.
Rusiya İstintaq Komitəsinin Nəqliyyat üzrə Şərq İstintaq İdarəsinin yaydığı məlumata görə, eniş zamanı Mi-8 yerüstü obyektlə toqquşub və aşıb. Nəticədə helikopter yanıb. Bir ekipaj üzvünün yaralandığı bildirilib.
Faktla bağlı Rusiya Federasiyası Cinayət Məcəlləsinin 263-cü maddəsi (hərəkət təhlükəsizliyi və hava nəqliyyatının istismarı qaydalarının pozulması) ilə cinayət işi başlanıb, araşdırma aparılır.
Qeyd edək ki, bir neçə gün əvvəl Buryatiyada helikopterin sərt enişi zamanı 3 nəfər həyatını itirib.