Ümumdünya Səhiyyə Təşkilatının (ÜST) rəhbəri Tedros Adhanom Qebreyesus Cenevrədə brifinq keçirib.
Xarici mətbuat xəbər verir ki, o, dekabr ayından koronavirusdan ölüm hallarının artdığını bildirib.
Qebreyesusun sözlərinə görə, son səkkiz həftə ərzində dünyada 170 mindən çox koronavirusa yoluxmuş xəstə vəfat edib:
“Hazırda dünyada koronavirusla bağlı vəziyyət əvvəlki illərə nisbətən daha yaxşıdır. Lakin bu günə qədər çox az adam peyvənd olunub. Bu səbəbdən koronavirusdan ölüm halları daha çox müşahidə edilir”.