Gürcüstanın paytaxtı Tbilisidə parlamentin qarşısında yenidən etiraz aksiyası keçirilir.
Bu barədə məlumatı “Sputnik Gürcüstan” yayıb.
Məlumata görə, bu dəfə aksiyanı “Konservativ hərəkat” partiyasının tərəfdarları təşkil edib. Aksiya iştirakçıları “Qərb ölkələrinin destruktiv təsirinə” etiraz edirlər və “xarici agentlər” barədə qanun layihəsinə qarşı keçirilən aksiya iştirakçılarını tənqid ediblər. 
Xatırladaq ki, Gürcüstanda martın 7-si “xarici agentlər” barədə qanun layihəsinin qəbul edilməsindən sonra etiraz aksiyaları şiddətlənib. Ölkə parlamentinin qarşısında martın 7-8-i baş verən etirazlar zamanı 133 nəfər saxlanılıb. Gürcüstanın hakim “Gürcü arzusu – Demokratik Gürcüstan” partiyası etirazlardan sonra qalmaqallı qanunu geri götürüb.




скачать dle 12.1