İsveç, Norveç, Finlandiya və Danimarka Hərbi Hava Qüvvələri Rusiyadan gələn "artan təhlükəyə" qarşı yönəlmiş vahid Nordic havaerir ki, hücumundan müdafiə sistemi yaratmaq barədə razılığa gəliblər.
Bu barədə Britaniyanın “The Guardian” qəzeti məlumat yayıb.
Qəzetin yazdığına görə, bu ölkələrin silahlı qüvvələrinin bəyanatlarına istinad edərək, onların hərbi hava qüvvələri komandirləri NATO çərçivəsində artıq məlum olan fəaliyyət metodlarına əsaslanaraq, öz qırıcılarından vahid donanma kimi istifadə etmək niyyəti haqqında bəyannamə imzalayıblar.
Danimarka Hərbi Hava Qüvvələri bildirib ki, bu bəyannamənin son məqsədi Şimali Atlantika Alyansının metodologiyası əsasında birgə hava əməliyyatlarının şimal konsepsiyasını inkişaf etdirərək vahid qüvvə kimi birgə fəaliyyət göstərə bilməkdir.
Əməkdaşlığa inteqrasiya olunmuş komandanlıq və nəzarət, əməliyyat planlaşdırması və icrası, çevik qüvvələrin yerləşdirilməsi, birgə hava məkanına nəzarət və təlim daxildir.
Bundan əvvəl İsveç Hərbi Hava Qüvvələri komandanının müavini Andres Persson Rusiya ilə müharibə olacağı təqdirdə Finlandiya hava donanmasının İsveçə köçürülə biləcəyini bildirmişdi .
скачать dle 12.1