Mayın 14-də Aİ Şurasının prezidenti Şarl Mişelin vasitəçiliyi ilə Brüsseldə mənimlə Azərbaycan prezidenti arasında görüş baş tutdu. Mayın 14-də biz daha bir addım atdıq və görüşün yekunlarına dair bəyanatda deyildiyi kimi qeyd etdik ki, Azərbaycan Ermənistanın 29,8 min kvadratkilometr ərazisinin, Ermənistan isə Azərbaycanın 86,6 min kvadrat kilometrinin ərazi bütövlüyünü tanıyır. 
Bunu Ermənistanın baş naziri Nikol Paşinyan hökumətin növbəti iclasında çıxışı zamanı deyib.
O, bunu regionda sabitliyin və sülhün bərqərar olması baxımından mühüm addım hesab edib: "Qeyd etməliyəm ki, mən bunu regionda sabitliyin və sülhün bərqərar olması, Ermənistan və Azərbaycan arasında sülh müqaviləsinin mətninin yekunlaşdırılması və həmçinin sərhədlərin delimitasiyası baxımından mühüm addım hesab edirəm. Amma təbii ki, növbəti addım delimitasiya üçün hüquqi qüvvəyə və əhəmiyyətə malik konkret əsasların müəyyən edilməsi və razılaşdırılması olmalıdır".скачать dle 12.1