Kaxovka Su Elektrik Stansiyasının (SES) bəndinin dağıdılması nəticəsində Dneperin sol sahilindəki rusların birinci müdafiə xəttinin bir çox istehkamı məhv edilib. 
Bu barədə ABŞ Müharibənin Öyrənilməsi İnstitutu (ISW) bildirib. 
Məlumata görə, SES-in bəndinin dağıdılması cəbhənin Xerson sektorunun coğrafiyasını və topoqrafiyasını xeyli dəyişir. Daşqın Rusiyanın Dnepr çayının şərq sahilində hazırlanmış müdafiə mövqelərini, xüsusən Qola Pristan və Aleşkidəki birinci sıra mövqelərini ciddi şəkildə pozur.
"Rusiya şəxsi heyəti və hərbi texnikası rus qoşunlarının Alaşki və Hola Pristanda cəmləşdiyi əsas məntəqələrdən geri çəkilməlidir. Əvvəllər rus qoşunları bu mövqelərdən Xerson şəhərini və Dnepr çayının sağ sahilindəki digər yaşayış məntəqələrini atəşə tutmaq üçün istifadə edirdilər", - məlumatda qeyd olunub. 
Bildirilib ki, daşqın Rusiyanın sahil boyu mina sahələrini də məhv edib və rus bölmələri daşqın zonalarından tələsik 5-15 km geri çəkilib. Buna görə də, ruslar indi mərmi atmaq iqtidarında deyil.скачать dle 12.1