Məşhur müğənni Şakira bildirib ki, sevgilisi Jerar Pikenin xəyanətini atası reanimasiyada olarkən öyrənib.
“Atam qəza nəticəsində ağır yaralanmışdı. Hər şey eyni anda baş verdi, ailəm dağıldı. Mətbuatdan öyrəndim ki, atam reanimasiyada olarkən xəyanətə məruz qalmışam. Həyatımda ən çox sevdiyim insan olan atam ona ən çox ehtiyacım olan zaman həyatdan getmək üzrə idi.
Atamın sağalması çox çətin və ləng keçdi, amma o, öz gücü ilə məni həmişə təəccübləndirən gözəl bir insandır. O, koronavirusdan, iki bədbəxt hadisədən, pnevmoniyadan, beş əməliyyatdan sağ çıxıb.
Atam dözümlülüyün ən böyük nümunəsidir, anam həmişə onun yanındadır. Onlar mənim güclü ailə arzumun reallaşmayan təcəssümüdür. Ancaq ümid edirəm ki, onlar mənim övladlarım üçün sevgi, səbr, mütləq fədakarlıq və həyat eşqi nümunəsi olacaqlar”, - müğənni “People en Español” jurnalına danışıb.скачать dle 12.1