Ermənistan Müdafiə Nazirliyi Türkiyənin Bayraktar pilotsuz təyyarəsinin İrəvan səmasında görünməsi ilə bağlı xəbərləri təkzib edib. Belə informasiya sosial şəbəkələrdə bir az əvvəl ortaya çıxmışdı.

Bu haqda məlumatı erməni mediası yayıb.

“Türk Bayraktarının İrəvan səmasında görünməsi ilə bağlı xəbərlər yalandır. Müdafiə Nazirliyi dezinformasiya yayanların tapılması üçün Milli Təhlükəsizlik Xidmətinə müraciət edib”, – müdafiə nazirinin mətbuat katibi Şuşan Stepanyan “Facebook”da yazıb.

Onun sözlərinə görə, Ermənistanın hava hücumundan müdafiə qüvvələri Rusiya Aerokosmik Qüvvələri ilə birlikdə ölkənin hava məkanını qoruyur.