Qazaxıstan tərəfi Fələstin xalqına yardım kimi 1 milyon dollar ayırıb.
Bunu Qazaxıstan Prezidenti Kasım-Jomart Tokayev Türk Dövlətləri Təşkilatının (TDT) 10 illik yubiley sammitində çıxışı zamanı deyib.
"Şimalda Rusiya ilə Ukrayna, Yaxın Şərqdə İsrail və Fələstin arasında qanlı münaqişə var. Əfqanıstanda da vəziyyət qeyri-sabitdir.
Qeyri-qanuni miqrasiya problemi Qərbdə kəskinləşir.
Bu gün Qəzza zolağında dinc əhali, xüsusilə uşaqlar və qocalar münaqişədən əziyyət çəkirlər.
Onların təhlükəsizliyinin təmin edilməsi vacibdir.
Bununla əlaqədar mən Qazaxıstandan Fələstin xalqına 1 milyon dollar məbləğində humanitar yardım göstərmək qərarına gəldim", - deyə Qazaxıstan lideri qeyd edib.