Tacikistan prezidenti Emoməli Rəhmon Rusiyaya rəsmi səfər edəcək.

Bu barədə Tacikistan prezidentinin mətbuat xidmətinin rəhbəri Abdufəttoh Şərifzoda məlumat yayıb. 

"Emoməli Rəhmon noyabrın 21-22-də Rusiyaya rəsmi səfər edəcək. O, Rusiya prezidenti Vladimir Putinlə görüşəcək, görüşlər dar və geniş tərkibdə keçiriləcək", - məlumatda deyilir.  

Rəhmon sonuncu dəfə bu ilin mayında Qələbə Paradında iştirak etmək üçün Rusiyaya səfər edib. O, hakimiyyəti dövründə Rusiya Federasiyası ərazisinə 80-dən çox səfər edib.