Oktyabr ayında Fələstin-İsrail münaqişəsi başlayandan bəri 155 millimetrlik artilleriya mərmilərinin tədarükü azalıb.

Bu barədə Ukrayna prezidenti Volodimir Zelenski bildirib.

"Bu, ABŞ-nin Ukraynaya heç nə verməyəcəyi anlamına gəlmir. Sadəcə, hamı sursat üçün mübarizə aparır. Bu həyatdır. Mən demirəm ki, bu, müsbətdir, amma biz özümüzə məxsus olanı qorumalıyıq. İndi anbarlar boşdur və qanuni minimum var ki, bu və ya digər dövlət bizə sursat verə bilməz. Bu bizə kifayət deyil", - Zelenski Kiyevdə jurnalistlərə deyib.

Zelenski həmçinin bildirib ki, Rusiya qışda Ukraynanı bombalamaq üçün raket ehtiyatı yığır, lakin Ukraynanın hava hücumundan müdafiəsi keçən qışdan daha yaxşıdır.