Gürcüstan Müdafiə Nazirliyi Cuanşer Burçuladze İrəvana səfəri çərçivəsində erməni həmkarı Suren Papikyanla görüşərək bölgədəki təhlükəsizlik mühitini nəzərdən keçirib.

Bu barədə Gürcüstan Müdafiə Nazirliyinin məlumatında bildirilib. Qeyd olunub ki, Cuanşer Burçuladze Gürcüstanın “Dinc Qonşuluq Təşəbbüsü” layihəsi çərçicəsində regionda sülh prosesinin təşviqini davam etdirməyə hazır olduğunu vurğulayıb.

Məlumatda tərəflərin Ermənistan və Gürcüstan arasında müdafiə sahəsində cari və gələcək əməkdaşlığı müzakirə etdiyi, görüşdən sonra iki ölkənin müdafiə nazirlikləri arasında qarşılıqlı əməkdaşlıq planı imzaladığı qeyd olunub.

***

13:42

Ermənistan və Gürcüstan müdafiə nazirləri Suren Papikyanla Cuanşer Burçuladze İrəvanda görüşüb.

Bu barədə “Armenpress” məlumat yayıb.

Qeyd olunub ki, görüş bu gün Ermənistan Müdafiə Nazirliyində baş tutub. Tərəflər arasında təkbətək və geniş tərkibdə görüşlər keçirilib.

Görüş zamanı müdafiə və regional təhlükəsizlik sahəsində Ermənistan-Gürcüstan əməkdaşlığı məsələləri müzakirə edilib.

Nazirlər görüşün sonunda Ermənistan və Gürcüstan Müdafiə Nazirlikləri arasında ikitərəfli əməkdaşlıq planını imzalayıblar.