Qəzza zolağının şimalında yerləşən "Əl-Şifa" xəstəxanasının reanimasiya şöbəsində olan xəstələrin hamısı İsrail hərbçiləri tərəfindən tibb kompleksini blokadaya alması nəticəsində ölüb. 

Bu barədə xəstəxananın direktoru Məhəmməd Əbu Silmiya "Sky News Arabia" telekanalına açıqlayıb.

"Reanimasiyada olan bütün xəstələr öldü. Bu, İsrailin bir həftədir davam edən mühasirəsinə görə baş verdi. Xəstəxanada 54 nəfər dünyasını dəyişdi, indi ağır vəziyyətdə olanlar da öləcək, qorxuram", - deyə Silmiya vurğulayıb.