Bakıda qətl törətməkdə təqsirləndirilən Elşad Əliyevin və İmran Cərullayevin cinayət işi üzrə ibtidai istintaq başa çatıb.
Cinayət işi baxılması üçün BakıAğır Cinayətlər Məhkəməsinə göndərilib.İş hakim Rahib Salmanovun icraatına verilib.Məhkəmənin hazırlıq iclasının aprelin 15-nə təyin edilib.
Qeyd edək ki, Suraxanı rayon Prokurorluğundan verilən məlumata görə, ötən il Sentyabrın 16-da Suraxanı rayonu ərazisində Orxan İsayevin üzərində bıçaq xəsarətləri olan meyitinin aşkar olunması barədə rayon prokurorluğuna məlumat daxil olub.
Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.
İstintaqla hadisənin zərərçəkmişin tanışı İmran Cərullayev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.İmran Cərullayev şübhəli şəxs qismində tutularaq istintaqa cəlb edilib.
İlkin məlumata görə, cinayəti törədən İmran Cərullayevin Orxan Musayevə 50 manat borcu olub. Cinayət də məhz bu səbəbdən baş verib.