Fövqəladə Hallar Nazirliyinin 112 qaynar xəttinə bir nəfərin Bakı şəhəri, Xətayi rayonu, Afiyəddin Cəlilov küçəsində yerləşən və tikilməkdə olan binanın 6-cı mərtəbəsinə çıxaraq intihara cəhd etməsi barədə məlumat daxil olub.
Ölkə.az xəbər verir ki, FHN-in xüsusi riskli xilasetmə xidmətinin müvafiq xilasetmə qüvvələri dərhal hadisə yerinə cəlb olunub.
Xilasedicilər danışıqların taktikasını müəyyən edərək intihara cəhd edən şəxslə psixoloji söhbətlərə başlayıblar.
Aparılan danışıqlar nəticəsində intihara cəhd edən qız özünə qəsd etmək fikrindən daşınıb.